好多首次開舖嘅老闆

都會遇到以下常見問題

申請餐廳牌照（食肆牌照）通常需要2至6個月的時間，具體取決於場地的合規程度、所需文件的完整性及工程的進展情況。

• 設立香港商業實體：可選擇獨資、合夥或有限公司形式，若選擇有限公司，需先在公司註冊處完成註冊（公司註冊證書 CR），然後再申請商業登記證（BR）。
• 食物環境衞生署在處理申請後，會於約20個工作天內召開審查會議，並發出發牌條件清單。
• 整改完成後，會在8個工作天內進行最終巡查，若合格，則在7個工作天內發放正式牌照。
• ​若符合特定條件，可申請暫准牌照，有效期為6個月。

影響因素

• 若裝修複雜（如消防、通風）、部門意見協調或補件，可能會延長至3-8個月，且被拒率約為38%。

• 「邊做邊問政府」係好多人嘅做法，但每次補文件、改圖則、拆改裝修都會令開業時間一拖再拖，租金、水電、人手全部都係成本。
• 有啲業主或代理會話「前手已經係餐廳，冇問題」，但實際上每間舖嘅用途同設計唔同，新申請人仍然要對現場負責，唔可以完全依賴舊資料。
• 未搵專人預先做評估、同部門溝通，就盲目落訂裝修，好容易出現「裝修好咗先知原來出唔到牌」又或者落訂先知現場唔夠電力供應嘅情況。
  

• 好多準老闆以為「得返少少煮食／炸嘢」就唔需要好複雜抽氣系統，但一旦油煙處理唔好，好易俾樓上樓下投訴，甚至被要求停業整改。
• 抽氣喉路線、風量同出風口位置，都要符合政府技術要求，同時又要兼顧樓宇結構，唔係隨便拉條喉就得。
• 未開工前唔先檢查大廈既有抽氣系統同樓契限制，裝修到一半先發現唔合規，會浪費大筆裝修費同時間。

• 為咗慳位或者靚啲設計，有啲舖頭會阻塞走火通道、用易燃物料做裝修，最後喺消防巡查後被要求拆改，嚴重仲會影響發牌時間。
• 滅火器、火警鐘、緊急照明同出口指示牌唔係「買一套返嚟放就算」，位置、數量同安裝方式都有清晰規定，需要專業設計同簽證。
• 開放式廚房、火鍋、燒烤等高危火種，會有額外消防要求，若一開始設計冇預留，後期加裝成本高又拖長工期。

• 廚房面積太細、洗手盆同洗滌盆數量不足，或者動線設計不當，容易造成交叉污染，會被食環署要求重做設備。
• 忽略隔油池容量同排水坡度，只求「流水就得」，開業後成日淤塞、反味，影響生意之餘，亦可能被部門跟進。
• 牆身、地台、工作枱用錯物料（唔防水、唔易清潔），驗牌時被指出唔合格，要補做裝修，變相多一次裝修費。

• 好多老闆以為只係做外賣、中央廚房或者網店，就唔需要另外申請食物製造廠牌照，其實一旦涉及大批量製作、預先包裝，就有機會需要另一類牌照。
• 工場類處所對樓宇結構、承重、貨物出入、冷房／凍房設備要求更嚴格，如果選址時冇先檢查樓契用途，可能簽咗租再發現根本唔能夠發牌。
• 設備佈局（煮食區、包裝區、存貨區、洗滌區）如果冇跟衞生動線設計，會增加交叉污染風險，申請時亦較難一次過通過。